Azərbaycan, Bakı, 19 sentyabr / Trend , müxbir Ü.İsmayılova /
Azərbaycannın Dövlət Gömrük Komitəsi və Rusiyanın Federal Gömrük Xidməti gömrük hüquqpozmaları ilə mübarizə sahəsində qarşılıqlı əməkdaşlıq haqqında protokol imzalayıblar, şənbə günü DGK-dən məlumat verilib.
Sankt-Petetburqdakı görüşdə Gömrük strukturlarında gömrük hüquqpozmaları ilə mübarizə sahəsində gələcək əməşdaşlığın perspektivləri nəzərdən keçirilib. Burada Azərbaycanın nümayəndə heyətinə DGK başçısının müavini Əsgər Abdullayev, Rusiya tərəfinə isə Gömrük Xidmətinin müavini İqor Zavrajnov başçılıq edib.
Tərəflər cari vəziyyəti informasiya mübadiləsi ilə müzakirə ediblər. Görüşdə narkotik vasitələrin qanunsuz dövriyyəsi ilə mübarizə sahəsində əməkdaşlıq, həmçinin hər iki ölkənin gömrük sərhəddində əməliyyat şəraitinin xüsusiyyətləri müzakirə olunub. Bundan əlavə gömrük orqanlarının hüquq-mühafizə bloklarının əməkdaşlığının səviyyəsi məqbul dəyərləndirilib.
Protokolda informasiya mübadiləsinin səviyyəsinin artırılması, həmçinin birgə əməliyyat tədbirlərinin davam etdirilməsinin vacibliyi vurğulanıb.
Məqalə müəllifi ilə əlaqə ünvanı: capital@trend
