Bakı, Azərbaycan, 16 oktyabr / Trend , müxbir Ü.İsmayılova/
Azərbaycan Sığortaçılar Assosiasiyasının (ASA) 2010-cu il üzrə fəaliyyət planı çərçivəsində qarşıya iki əsas vəzifə qoyulub, ASA İdarə Heyətinin və Atəşgah sığorta şirkətinin İdarə Heyətinin sədri Azər Əliyev bildirib.
"Növbəti ildə ilk vəzifə Assosiasiyanı sığortaçılar və sığorta nəzarəti orqanı arasında real işləyən orqana çevirmək, ikincisi isə Assosiasiyanın komitələrinin fəal işini təmin etməkdir", - Əliyev bildirib.
Onun sözlərinə əsasən, ASA-nın komitələrinin zəif fəaliyyəti indiyə kimi itirilmiş anlardandır.
"Assosiasiyanın planlarına komitələrin sayının artırılması daxil deyil, ola bilsin onların bəziləri ləğv ediləcək, onların əsasında yeniləri yarana bilər. Əsas odur ki, komitələr bu günkü həqiqətlərə cavab versin", - Əliyev bildirib.
Onun sözlərinə əsasən, Assosiasiyanın qarşısında duran daha bir vəzifə müəyyənləşdirilmiş qarşılıqlı münasibətlər mexanizminin hazırlanması üçün Maliyyə Nazirliyi ilə ciddi iş aparılmasıdır.
"Mexanizm həm Maliyyə Nazirliyi, həm sığortaçılar, həm də müştərilərin sığortaçılar ilə sığorta məsələlərinin assosiasiya vasitəsilə həyata keçirilməsi fikrinə alışması üçün işlənib hazırlanacaq", - Əliyev bildirib.
Azərbaycan Sığortaçılar Assosiasiyasının Müşahidə Şurasına Azərbaycanın beş sığorta şirkəti daxildir (MBASK, Standard Insurance, Beynəlxalq Sığorta şirkəti, Azersigorta, Ateshgah). Müşahidə Şurasının hər beş üzvündən biri nizamnaməyə əsasən, ardıcıl olaraq bir il müddətinə Assosiasiyaya sədrlik edir.
Azərbaycan Sığortaçılar Assosiasiyası 2006-cı ilin dekabrında təsis edilib.
Azərbaycanda 28 sığorta və bir təkrar sığorta şirkəti fəaliyyət göstərir. Onların hər biri ASA-nın üzvüdür.
Məqalə müəllifi ilə əlaqə ünvanı: [email protected]
