Azərbaycan, Bakı, 16 oktyabr / Trend , müxbir İ.Xəlilova/
Azərbaycan Parlamentinə təqdim edilmiş 2010-cu il dövlət büdcəsi layihəsində xarici borcların limiti 2,5 milyard manat olaraq müəyyənləşdirilib. Artıq üçüncü ildir ki, hökumət xarici borcların limitini bu səviyyədə saxlayır. 2007-ci ildə bu göstərici 1,2 milyard manat olub.
Borcların həcminin 2 dəfədən çox artırılması avrobondların yerləşdirilməsi planı ilə əlaqədardır, lakin dünya bazarında olan vəziyyətlə əlaqədar olaraq, hökumət artıq iki ildir ki, vəziyyətin stabilləşməsinə qədər bu planı təxirə salır. Avrobondların emissiya həcmi əvvəllər təklif edilmiş 300 milyonla müqayisədə 500 milyonadək artıb.
2005-ci ilə qədər xarici borcların limiti 200 milyon dollar olaraq müəyyən edilib. 2006-cı ildə iri miqyaslı layihələrin həyata keçirilməsi üçün borcların cəlb edilməsi zəruri olduğuna görə, bu limit ilk olaraq 2 dəfə, daha sonra büdcə proqnozlarının təkrar nəzərdən keçirilməsi nəticəsində 3 dəfə artırılaraq 1,2 milyon manat olub.
Gələn il Abşeron yarımadasında ekoloji problemlərin həllinə, layihələrin həyata keçirilməsinə, əsasən yol inşaatı, su və elektik təminatının yaxşılaşdırılması layihələrinin və s. həyata keçirilməsinə görə pul vəsaitlərinin cəlb olunmasına davam ediləcək.
2010-cu ildə dövlət xarici borclarının ödənilməsi limiti 208,717 milyon manat, o cümlədən hesablanmış faiz üzrə 122,872 milyon manat, əsas borc üzrə isə 85,845 milyon manat olaraq təklif edilib.
Dövlət daxili borclarının limiti 1,7 milyard manat olaraq planlaşdırılır. 2009-cu ildə bu göstərici 0,75 milyard manat olub. Daxili borclar üzrə ödənilmə gələn il 78,364 milyon manat səviyyəsində gözlənilir. (müvafiq olaraq, 28,314 milyon manat və 50,05 milyon manat).
Ölkədə iqtisadi islahatların dəstəklənməsi, həmçinin prioritet layihələrin maliyyələşdirilməsi üçün 1 yanvar 2009-cu ilin vəziyyətinə görə, beynəlxalq maliyyə institutlarından və xarici kredit təşkilatlarından 6 574 milyon dollar məbləgində xarici vəsaitin cəlb edilməsinə görə kredit razılaşmaları imzalanıb. Bu kredit məbləğin istifadə edilmiş hissəsi 3 milyard dollar təşkil edir. ÜDM-da xarici borcların xüsusi çəkisi 6,4 faiz təşkil edir.
Oktyabrın 16-na olan rəsmi məzənnə 0,803 AZN/USD təşkil edir.
Məqalə müəllifi ilə əlaqə ünvanı: [email protected]