Azərbaycan, Bakı, 27 oktyabr / Trend , müxbir Ü.İsmayılova/
İslam Konfransı Təşkilatının (İKT) "Halal" seriyası standartlar qrupunun qəbulu məsələsində fikir ayrılığı olub. Bu barədə Azərbaycanın Standartlaşdırma, Metrologiya və Patent üzrə Dövlət Komitəsinin məlumatında deyilir. Azərbaycanın nümayəndə heyəti də müzakirələrdə iştirak edib.
"Halal məhsul" standartının layihəsi İKT-nin təşəbbüsü ilə hazırlanıb və İstanbulda (Türkiyə) keçirilən görüşdə 25 müsəlman ölkəsinin müzakirəsinə verilib.
"Halal məhsul" standartının bəzi müddəalarında fikir ayrılıqları olduğundan Ali İslam Akademiyasına müraciət olunub. Akademiyanın rəyindən sonra yeni qida standartının müzakirəsi üçün növbəti iclas keçiriləcək.
Məqalə müəllifi ilə əlaqə ünvanı: [email protected]
