Azərbaycan, Bakı, 04 mart / Trend , müxbir N.İsmayılova/
"Bank of Baku"-nun balans mənfəəti fevralın 1-də 623 min manat təşkil edib. Bu barədə bankın cümə axşamı yayılan məlumatında deyilir. Yanvar ayının yekununa görə bankın gəlirləri 3,24 milyon manat təşkil edib.
Bankın aktivləri 1,3% azalaraq 185,02 milyon manat təşkil edib.
Hesabat dövrü ərzində bankın depozit portfeli 2,4% azalaraq 136,18 milyon manat olub ki, bu məbləğin də 76,04 milyon manatını fiziki şəxslərin əmanəti, 71,96 milyon manatını isə uzunmüddətli əmanətlər təşkil edib.
Yanvar ayı ərzində bankın kredit portfeli 0,2% azalaraq 140,74 milyon manat təşkil edib. Bankın kredit portfelində fevralın 1-də istehlak kreditlərinin payı 82,8 milyon manat, kommersiya kreditlərinin payı isə 51,07 milyon manat təşkil edib.
Fevralın 1-də "Bank of Baku"-nun birgə kapitalı 33,47 milyon manat təşkil edib. Bankın ödənilmiş nizamnamə kapitalı 6,8 milyon manat səviyyəsindədir.
Martın 04-nə olan rəsmi məzənnə 0,8033 AZN/USD təşkil edir.