Azərbaycan, Bakı, 11 fevral / Trend , müxbir Ü.İsmayılova/
2009-cu ildə Azərbaycanda tikinti materiallarının istehsalı və bu sahədə xidmətlər 16,1% artıb. Bu barədə Nazirlər Kabinetinin ölkə parlamentinin müzakirəsinə təqdim edilmiş hesabatında deyilir.
Əsas tikinti materiallarının - sement, sement və asfaltdan olan məhsulların istehsalı iki dəfə, tikinti gipsinin istehsalı isə 18,9% artıb.
2009-cu ildə Azərbaycanda fəaliyyət göstərən müəssisələr tərəfindən 1,3 milyon ton sement, 18,4 min kubmetr sementdən hazırlanmış tikinti-quraşdırma konstruksiyaları, 5,5 min ton tikinti bloku, 247,3 min kubmetr tikinti kərpici istehsal olunub.