Azərbaycan, Bakı, 10 aprel /Trend, müxbir N.İsmayılova/
Azərbaycan və İranın gömrük orqanları 2010-2011-ci illər üzrə birgə tədbirlər planı imzalayıblar. Həmin tədbirlər planı qanunsuz narkotik və psixotrop vasitələrin mübadiləsi, və digər qanun pozuntularının növləri ilə mübarizədə qarşılıqlı əməkdaşlıq və yardımın səmərəliliyini artırmağa yönəlib. Bunu Azərbaycan Dövlət Gömrük Komitəsi sədrinin müavini Əsgər Abdullayev deyib. Bu barədə İdarənin rəsmi nəşri olan "Gömrük"də deyilib.
İranda qanun pozuntuları ilə mübarizə sahəsində Azərbaycan-İran işçi qrupunun yaradılması nəzərdə tutulub. Həmin işçi qrupunun iclasları ildə bir dəfədən az olmayaraq keçiriləcək. Həmçinin əməliyyat məlumatlarının yoxlanılması üçün iki ölkənin gömrük idarələri, gömrük-keçid məntəqələrinin rəhbərləri və gömrük orqanlarının müəyyən şöbələrinin rəhbərlərindən ibarət daimi işçi qrupunun yaradılması planlaşdırılır.
Həmin plandakı tədbirlər həmçinin narkotik və psixotrop vasitələrin qeyri-qanuni mübadiləsinin aşkarlanması və qarşısının alınmasına istiqamətlənmiş birgə tədbirlərin hazırlanması və keçirilmısini nəzərdə tutur.
2010-2011-ci illərdə həmçinin il ərzində görülmüş işlərin yekunlarının keçirilməsi və silah, partlayıcı əşyalar, ətraf mühütə və əhalinin sağlamlığına zərər verən zərərli vasitələrin, həmçinin arxeoloji və tarixi əhəmiyyətli əşyaların qaçaqmalçılığının aşkarlanması və qarşısının alınması sahəsində növbəti il üçün prioritetin müəyyən olunması məqsədi ilə iki ölkənin gömrük xidmətlərinin hüquqmühafizə blokunun rəhbərlərinin işgüzar görüşləri keçiriləcək.
Tədbirlər planı bu günlərdə İranda gömrük sahəsində əməkdaşlıq haqqında imzalanmış müqavilə çərçivəsində imzalanıb. Həmin müqavilə Azərbaycanın Dövlət Gömrük Komitəsinin rəhbəri Əsgər Abdullayevin İrana səfəri çərçivəsində imzalanıb. Əskərov İranda İİR-nın Baş Gömrük İdarəsinin sədri Ərdəşir Muhammədi ilə görüşüb.
Ölkələr arasında illik ixrac-idxal əməliyyatları 500 milyon dollar təşki edir, və bu göstəricinin yüksəldilməsi üçün gömrük sahəsində əməkdaşlığın səviyyəsinin yüksəldilməsi vacib hesab edilir.
