Azərbaycan, Bakı, 16 aprel / Trend , müxbir Ü.İsmayılova/
Azərbaycanda mart ayında kənd təsərrüfatı məhsulları istehsalının qiymət indeksi ötən ayla müqayisədə 2,1 faiz artıb, illik hesablamanın birinci rübü ilə müqayisədə isə 2,1 faiz azalıb. Bu barədə cümə günü Dövlət Statistika Komitəsindən bildirilib.
Ötən ay bitkiçilik, bostançılıq, bağçılıq məhsullarının qiyməti 2,1 faiz artıb, 2009-cu ilin birinci rübünə nisbətən isə 1 faiz artıb.
Martda heyvandarlıq və iribuynuzlu mal-qara məhsulları istehsalının qiymət indeksi fevrala nisbətdə 2,1 faiz artıb (7,7 faiz azalma). Meşə təsərrüfatı məhsullarının qiymət indeksi (ötən ilin yanvar-mart ayları ilə müqayisədə 26,1 faiz artıb) dəyişməz qalıb. Balıq və balıq məhsullarının qiyməti dəyişməz qalıb.
