...

Azərbaycanın Dövlət Büdcəsinin profisiti ÜDM-in 9 faizini təşkil edib

Biznes və iqtisadiyyat xəbərləri Materials 5 May 2010 14:05 (UTC +04:00)
2010-cu ilin birinci rübündə Azərbaycanın Dövlət Büdcəsinin mədaxil hissəsinə faktiki daxilolmalar 2446,2 milyon manat (ÜDM-in 25,6 faizi) təşkil edib ki, bu da ötən ilin analoji dövründəki göstəricidən 3 faiz azdır. Bu barədə çərşənbə axşamı hökumətdən bildirilib.

Trend-i buradan izləyin

Azərbaycanın dövlət büdcəsinin profisiti ÜDM-in 9 faizini təşkil edib

Azərbaycan, Bakı, 5 may /Trend, müxbir N.İsmayılova/

2010-cu ilin birinci rübündə Azərbaycanın Dövlət Büdcəsinin mədaxil hissəsinə faktiki daxilolmalar 2446,2 milyon manat (ÜDM-in 25,6 faizi) təşkil edib ki, bu da ötən ilin analoji dövründəki göstəricidən 3 faiz azdır. Bu barədə çərşənbə axşamı hökumətdən bildirilib.

Dövlət Büdcəsinin xərcləri 15,7 faiz azalaraq, 1979,1 milyon manat (ÜDM-in 20,7 faizi) olub. Birinci rüb ərzində büdcənin profisiti 467,1 milyon manata çatıb ki, bu da ÜDM-in 8,9 faizini təşkil edib.

Strukturda gəlirin 41,3 faizi (1009,5 milyon manat) Vergilər Nazirliyinin hesabına təmin edilib. Gömrük rüsumları və vergilərindən gələn gəlir 205,4 milyon manat (8,4 faizlik xüsusi çəki) təşkil edib. Digər mənbələrdən gəlirlər hesabına isə 1231,3 milyon manat (50,3 faiz) təmin olunub.

Hesabat dövrü ərzində ƏDV-dən 437,5 milyon manat gəlir daxil olub ki, bu da ümumi gəlirin 17,9 faizini təşkil edir. Mənfəət vergisi 366,3 milyon manat (15 faiz), gəlir vergisi 130 milyon manat (5,3 faiz), aksiz vergisi 121,9 milyon manat (5 faiz), əmlak vergisi 21,9 milyon manat (0,9 faiz), mədən vergisi 32,4 milyon manat (1,3 faiz), xarici iqtisadi fəaliyyətə görə vergi isə 56,5 milyon manat (2,3 faiz) təşkil edib.

Əhalinin sosial müdafiəsi və təminatına dövlət büdcəsindən yanvar ayında 342 milyon manat (17,3 faizlik xüsusi çəki) xərclənib. Təhsilə 239,2 milyon manat (12,1 faiz), səhiyyəyə 60 milyon manat (3 faiz), prokurorluq, təhlükəsizlik, hüquq-mühafizə orqanlarına 125,8 milyon manat (6,4 faiz), iqtisadiyyata investisiya qoyuluşuna 707,6 milyon manat (35,8 faiz) xərclənib. Qoyulan kapitalın ümumi həcminin 28,7 milyon manatı (1,5 faiz) kommunal xərclərə, 59 milyon manat (3 faiz) kənd, meşə təsərrüfatı və balıqçılığa, 7,1 milyon manat isə (0,4 faiz) nəqliyyat və rabitəyə yönəldilib.

Dövlət xərclərinin 37,5 faizi (742,1 milyon manat) əməkhaqqılar, pensiyalar və maddi yardımın ödənilməsinə sərf edilib.

Mayın 5-nə olan rəsmi məzənnə 0,8034 AZN/USD təşkil edir.

Xəbər lenti

Xəbər lenti