...

Böyük Britaniya 2010-cu ildə Azərbaycana 250 milyon manatdan çox investisiya yatırıb

Biznes və iqtisadiyyat xəbərləri Materials 15 May 2010 15:04 (UTC +04:00)

Trend-i buradan izləyin

Azərbaycan, Bakı, 15 may /Trend, müxbir N.İsmaylova/

Böyük Britaniya 2010-cu ilin yanvar-aprel aylarında Azərbaycan iqtisadiyyatına yatırılan investisiyaların həcminə görə lider mövqeyini qoruyub saxlayıb. Xarici investisiyaların ümumi həcmində Britaniyanın payı 49,1 faiz təşkil edib. Bu barədə Dövlət Statistika Komitəsindən bildirilib. Britaniya investisiyaları ilin əvvəlindən 257,9 milyon manat təşkil edib.

Yanvar-aprel ayları ərzində xarici ölkələrin və beynəlxalq investisiya təşkilatlarının Azərbaycan iqtisadiyyatına qoyduğu investisiyanın 90,9 faizi (477,3 milyon manat) Böyük Britanıya, ABŞ, Yaponiya, Norveç, Koreya və Türkiyədən olan investorların payına düşüb.

ABŞ investisiyası 97,12 milyon manat (ümumi çəkinin 18,5 faizi), Yaponiya - 50,96 milyon manat (9,7 faiz), Norveç - 31,55 milyon manat (6 faiz), Fransa - 923,1 min manat (0,2 faiz), Türkiyə - 25,03 milyon manat (4,8 faiz), Koreya - 14,78 milyon manat (2,8 faiz), BƏƏ - 390,6 min manat (0,1 faiz), Səudiyyə Ərəbistanı - 1,923 milyon manat (0,4 faiz), Avstriya - 495,1 min manat (0,1 faiz) Rusiya - 1,94 milyon manat (0,4 faiz), Çexiya - 1,85 milyon manat (0,3 faiz), İsveçrə investisiyası isə 44,5 min manat təşkil edib.

Beynəlxalq maliyyə institutlarından ən böyük həcmli investisiyanı Dünya Bankı yatırıb - 34,43 milyon manat (ümumi çəkinin 6,6 faizi). Azərbaycanda layihələrin həyata keçirilməsinə Asiya İnkişaf Bankı 3,74 milyon manat (0,7 faiz), İslam İnkişaf Bankı 1,82 milyon manat (0,3 faiz) yönəldib.

Mayın 15-nə olan rəsmi məzənnə 0,8036 AZN/USD təşkil edir.

Xəbər lenti

Xəbər lenti