Azərbaycan, Bakı, 4 avqust /Trend, müxbir N.İsmayılova/
Azərbaycan Mərkəzi Bankının məlumatına görə, iyunun sonuna ölkədə 4148 ədəd ödəniş kartı olub ki, bu da ayın əvvəlinə olan müvafiq göstəricini 0,7 faiz, 2009-cu ilin sonuna olan göstəricini isə 4,4 faiz ötür.
Hesabat dövründə debet kartları üzrə əməliyyatların sayı 3324 min ədəd təşkil edib.
Debet kartlar üzrə əməliyyatların həcmi 409 milyon manat olub.
Debet kartlar üzrə əməliyyatların ümumi sayından bankomatlar vasitəsilə 388 milyon manat məbləğində 3218 min əməliyyat, POS-terminallar vasitəsilə 14 milyon manat məbləğində 58 min əməliyyat həyata keçirilib.
İyunda kredit kartları üzrə 45 milyon manat məbləğində 175 min əməliyyat həyata keçirilib.
Kredit kartları üzrə əməliyyatların ümumi sayından bankomatlar vasitəsilə 17 milyon manat məbləğində 78 min əməliyyat, POS-terminallar vasitəsilə 10 milyon manat məbləğində 15 min əməliyyat həyata keçirilib.
Avqustun 4-nə olan rəsmi məzənnə 0,8033 AZN/USD təşkil edir.