Azərbaycan, Bakı, 5 avqust /Trend, müxbir S.Süleymanov/
Bakıda taxıl terminalı ərazisində yeni dəyirman kompleksi işə başlayıb. Bu barədə cümə axşamı "Prodkorporasiya" (Qazaxıstan) SC-nin ticari məsələlər üzrə icraçı direktoru Daulet Uvaşev bildirib.
"Qazaxıstandan Bakı terminalına gətiriən taxılın hamısı digər ölkələrə ixrac edilməyərək hələ ki Azərbaycanda qalır, belə ki, hər şey respublikanın daxili taxıl ehtiyacının ödənilməsinə gedir", - Uvaşev agentliyin müvafiq sualına cavabında belə deyib.
Onun sözlərinə görə, hazırda Bakı terminalına gətirilən taxıl cari ilin baharında açılan yeni dəyirman kompleksində əla növ una çevrilərək emal edilir.
"Bakı taxıl terminalı" birgə müəssisəsi 2007-ci il aprelin 4-də açılıb. Terminalın tikintisi 6 milyon dollara başa gəlib, onun gücü ildə 500 min ton taxıl təşkil edir.
150 ton istehsal gücünə malik dəyirman kompleksi Qazaxıstan və Azərbaycan tərəfləri arasında paritetllik əsasında inşa edilib.
