Azərbaycan, Bakı, 23 avqust /Trend, müxbir S.Süleymanov/
Taxılın qiymətinin indiki artımına görə Qazaxıstanda çörəyin bahalaşması gözlənilmir. Bu barədə Trend-ə müsahibəsində Milli Şirkət "Prodkorporasiya" SC-nin kommersiya məsələləri üzrə idarəedici direktoru Daulet Uvaşev deyib.
"Çörək bahalaşmayacaq", - deyə Uvaşev müvafiq sualı cavablandırarkən deyib.
O xatırladıb ki, Qazaxıstanda oxşar vəziyyət 2007-ci ildə də olub. O zaman taxılın qiyməti yüksəlib, çörəyin qiyməti isə olduğu kimi qalıb.
"Məsələ ondadır ki, çörək istehsalı uzun bir zəncirdir, onun qiyməti taxılın qiymətindən xeyli geri qalır. Odur ki, narahatlığa səbəb yoxdur", - Uvaşev qeyd edib.
Onun sözlərinə görə, bundan başqa, bu il yayın quraqlığı Qazaxıstan taxılının keyfiyyətinə müsbət təsir göstərəcək.
"Yay nə qədər isti olsa, öz maddəsi də bir o qədər yüksək olar. Bu, taxılın keyfiyyətini müəyyənləşdirərkən çox vacib amildir. Kostanaedə taxılda öz 30 faiz, Akmolin vilayətində 26-28%, Şimali Qazaxıstan vilayətində isə normadan bir az aşağı təşkil edirsə, deməli, hər şey yüksəkdir", - Uvaşev vurğulayıb.