Azərbaycan, Bakı, 30 avqust /Trend, müxbir N.İsmayılova/
Azərbaycan Mərkəzi Bankının ilin sonuna olan məlumatlarına görə, ölkədə 4 154 min ədəd ödəniş kartı olub ki, bu da ayın əvvəlinə olan analoji göstəricini 0,1 faiz və 2009-cu ilin sonuna olan göstəricini 4,5 faiz ötür.
Hesabat dövründə debet kartlar üzrə əməliyyatların sayı 4 159 min ədəd təşkil edib. Debet kartlar üzrə əməliyyatların həcmi 522 milyon manat təşkil edib.
Debet kartlar üzrə əməliyyatların ümumi sayından bankomatlar vasitəsilə 499 milyon manat məbləğində 4 039 min, POS-terminallar vasitəsilə 16 milyon manat məbləğində 71 min əməliyyat keçib.
İyulda kredit kartları üzrə ümumi məbləği 51 milyon manat olan 184 min əməliyyat keçirilib.
Kredit kartları üzrə əməliyyatların ümumi sayından bankomatlar vasitəsilə 18 milyon manat məbləğində 75 min, POS-terminallar vasitəsilə 11 milyon manat məbləğində 15 min əməliyyat keçib.
Avqustun 30-na rəsmi məzənnə 0,8036 AZN/USD təşkil edir.