Qazaxıstan, Astana, 4 noyabr /Trend, müxbirlər A.Maratov, İ.Xəlilova/
Cümə axşamı Astanada keçirilən iqtisadi əməkdaşlıq üzrə Azərbaycan-Qazaxıstan hökumətlərarası komissiyasının yeddinci iclası çərçivəsində bankların bu iki ölkənin maliyyə bazarlarına çıxışı imkanları müzakirə edilib.
Komissiyanın həmsədri olan Qazaxıstanın neft və qaz naziri Sauat Mınbayevin dediyinə görə, iclasda Azərbaycan bankının Aktauda filialının açılması məsələsi müzakirə edilib.
"BTB Bank" Qazaxıstanın bank bazarına çıxışı planlaşdırır. Bankdan xaricdə törəmə bankın açılması ilə bağlı informasiyanı açıqlamaqdan hələ ki imtina ediblər.
"BTB Bank" Qazaxıstanın bank bazarına çıxacaq ilk Azərbaycan bankı olacaq. Azərbaycan bazarında hələ ki Qazaxıstan bankları təmsil olumayıb, lakin "Xalık Bank" "Turan Aləm Bank" buna maraqlarını bildiriblər.
Aktauda filial açmaq üçün öncə Azərbaycan bankının sənədlərini öyrənəcək Qazaxıstanın Maliyyə Nəzarəti üzrə Agentliyinin razılığı lazımdır.
"BTB Bank" Vergilər Nazirliyində kommersiya fəaliyyəti üçün dövlət qeydiyyatından 2010-cu il fevralın 24-də keçib və martın sonunda ölkənin Mərkəzi Bankından bank fəaliyyəti göstərmək üçün lisenziya alıb. "BTB Bank" 12 milyon manat nizamnamə kapitalına sahibdir. Bankın qanuni nümayəndəsi Emil Rzayevdir.
"BTB Bank"ın təsisçiləri Azərbaycan üç rezident-fiziki şəxsi Nigar Mehdiyeva, Cəfər Əliyev, Elməddin Əliyevdir. Yeni bankın idarə heyətinin üzvləri Ceyhun Paşalı, Asim Salamov və Hafiz Məmmədovdur.
Mərkəzi Bankdan icazə aldıqdan sonra "BTB Bank" Azərbaycanın bank bazarında 47-ci bank olub. Qazaxıstanda 37 bank fəaliyyət göstərir.
Noyabrın 4-nə olan rəsmi məzənnə 0,8 AZN/USD təşkil edir.
