...

Dünya Bankı Azərbaycanda məişət tullantılarının kompleksli idarə edilməsi layihəsinin icmalını aparacaq

Biznes və iqtisadiyyat xəbərləri Materials 7 Dekabr 2010 20:01 (UTC +04:00)

Azərbaycan, Bakı, 7 dekabr /Trend, müxbir N.İsmayılova/

Dekabrın 14-dən etibarən məişət tullantılarının kompleksli idarə edilməsi layihəsinin rəhbəri Frank van Verdenin başçılığı ilə Dünya Bankı (DB) missiyasının Bakıya səfəri başlayır. Bu barədə çərşənbə axşamı bankın Bakı nümayəndəliyindən bildiriblər.

Layihə DB-nin Direktorlar Şurası tərəfindən 2008-ci ilin iyununda bəyənilib. Layihənin həyata keçirilməsi 2009-cu ildə başlayıb və 2013-cü ilədək davam edəcək. Layihənin ümumi dəyəri 41,5 milyon dollar təşkil edir. Bunun 29,5 milyon dolları bankın kredit payı, qalanı isə Azərbaycan hökuməti tərəfindən maliyyələşdiriləcək. Kredit 20 il müddətinə verilib. Avqustun ortalarına DB-nin kreditindən bir milyon dollar istifadə edilib.

Layihə çərçivəsində tədbirlər beş istiqamət - təsisat islahatları, potensial və idarəetmənin artırılması, Balaxanı bərk tullantılar poliqonunun nizamlanması və idarəedilməsi, digər poliqonların və idarələrin bağlanması, bərk tullantıların yığılması üçün avadanlıq, layihə başa çatandan sonra investisya planının hazırlanması.

Ölkədə Bakı və Abşeronda bütün məişət tullantılarının yerləşdirilməsi, zərərsizləşdirilməsi və utilizasiyası ilə məşğul olan "Təmiz şəhər" ASC yaradılıb. Bununla yanaşı, tullantıların yığılması və çatdırılması Bakı şəhər İcra Hakimiyyətinin öhdəliyində qalıb. ASC-nin yaradılmasında əsas məqsəd Bakı və Abşeronda ekoloji vəziyyətin yaxşılaşdırılmasıdır. Onun fəaliyyəti bir neçə əsas istiqamətdə olacaq, məsələn, ildə 500 ton gücə malik məişət tullantılarının yandırılması üzrə zavodun tikintisi sahəsində və yandırılma prosesində 231 milyon kilovat-saat elektrik enerjisinin istehsalı.

Xəbər lenti

Xəbər lenti