Azərbaycan, Bakı, 8 dekabr /Trend, müxbir Ü.İsmayılova/
Azərbaycanın sığorta şirkəti "Azərqarant" fiziki şəxslərə məxsus minik avtomobillərinin tam sığortası üzrə yeni qaydalar çərçivəsində xidmət göstərilməsinə xüsusi icazə (lisenziya) almaq məqsədilə Dövlət Sığorta Nəzarəti Xidmətinə müraciət edib. Bu barədə çərşənbə günü şirkətin idarə heyətinin sədr müavini Şükür Hüseynov deyib.
"Azərqarant Sığorta" şirkəti yeni xidmət növlərinin göstərilməsinə xüsusi icazə almaq üçün qanunvericilik çərçivəsində dövlət xidmətinə müraciət edib", - Hüseynov bildirib.
Bundan əvvəl Dövlət Sığorta Nəzarəti Xidmətindən bildirilib ki, yeni qaydalar 2011-ci il yanvarın 1-dən qüvvəyə minəcək.
Qaydalar aşağıdakı növlər üzrə təsniflənir: avtonəqliyyat vasitələrinin sığortlalanması, vətəndaş məsuliyyətinin sığortalanması, qəzalar və xəstəliklərdən fərdi sığortalanmalar.
Sığorta ödənişi dəymiş ziyanın həcminin10 faizindən aşağı ola bilməz. Sığorta haqları sığorta danışıqları aparıldıqdan sonra bir aydan gec olmamaq şərtilə tamamilə ödənilməlidir.
Ziyanın bütöv ödənilməsi üçün hadisə baş verənə qədər onun dəyərinin 75 faizindən çoxu ödənilməlidir.
Sığorta tarifinin müəyyən olunması zamanı məsafə əmsalına diqqət yetirilir. Benzinlə işləyən, motorunun həcmi 1,5 min kubsantimetr olan avtomobil üçün min kilometrə 0,35 faiz təşkil edir, 1,6 min kubsantimetr 0,2 faiz, 1,8 min kubsantimetr 0,15 fiaz, 2 min kubsantimetr 0,17 faiz, iki min kubsantimetrdən çox 0,2 faiz, dizel mühərriki ilə avtomobil üçün 0,2 faiz, dizel boru ilə avtomobil üçün 0,25 faiz. Avtomobilin istismar müddətinin əmsalı iki il istismar müddətində (hər il üçün)1,6 faiz, 1,45 faiz - 2-5 il, 1,25 faiz - 5-10 il, 1,05 faiz - 10-15 il, 0,85 faiz -15-20 il, 0,8 faiz - 20-30 il, 0,75 faiz - 30-40 il, 0,65 faiz - 40-60 il, 0,6 faiz - 60-100 il, 0,55 faiz - 100 ildən çox müddətə.
"Azərqarant Sığorta" şirkəti 1993-cü ildən Azərbaycanda fəaliyyət göstərir. Şirkətin nizamnamə kapitalı 2,7 milyon manat təşkil edir. Şirkətin yığımları yanvar-oktyabrda 0,07 milyon manat ödənişlə 0,79 milyon manat təşkil edib.
Dekabrın 8-nə olan rəsmi məzənnə 0,7993 AZN/USD təşkil edir.
