Azərbaycan, Bakı, 28 dekabr /Trend/
Bakı şəhər İcra Hakimiyyəti altı lot üzrə xidmətlərin cəlb edilməsi ilə bağlı tender elan edib. Bu barədə çərşənbə axşamı rəsmi mətbuatda dərc edilən məlumatda deyilir.
İcra Hakimiyyətinin Mənzil-Kommunal Təsərrüfatı Departamentinin elan etdiyi tenderə əsasən, aşağıdakı lotlar üzrə iş və xidmətlərin cəlb edilməsi nəzərdə tutulur:
Müasir tipli fəvvarələrin tikintisi; torpaqların texniki rekultivasiyası; yolların asfalt örtüklərinin təmiri və yenidən qurulması; prospekt, park və bağçaların, kommunal təyinatlı obyektlərin yenidən qurulması, əsaslı təmiri və abadlaşdırılması; tarixi əhəmiyyətli binaların dam və fasadlarınının yenidən qurulması, bərpası, təmizlənməsi və işıqlandırılması; departamentin xidmət sahəsində olan yaşayış fondunun əsaslı təmiri və yenidən qurulması.
Tenderdə iştirak etmək istəyənlər 2011-ci il yanvarın 19-dək iştirak haqqında ərizəni və digər lazımi sənədləri təqdim etməlidirlər.
İştirakçılar lotlar üzrə təkliflərini 28 yanvar saat 17:00-dək təqdim etməlidirlər. Tender proseduru yanvarın 31-də saat 16:00-da departamentin N.Yusifbəyli küç, 73 ünvanında yerləşən binasında olacaq.
Maraqlı şəxslər (012) 465 62 29 nömrəsinə zəng edə bilərlər. Əlaqələndirici şəxs - Mehman Abbasov.