Azərbaycan, Bakı, 11 mart /Trend, müxbir E.İsmayılov/
2010-cu ildə Naxçıvan avtomobil zavodu "Lifan" markalı 490 avtomobil yığıb. Bu barədə Azərbaycan hökumətinin 2010-cu ilin yekunları üzrə hesabatında deyilir.
"Zavodun istehsal gücü ildə 5 min avtomobil təşkil edir", - hesabatda deyilir.
"Lifan" markalı avtomobillərin dəyəri 8400-12700 manat arasında dəyişir.
Naxçıvan avtomobil zavodunun tikintisinə 2008-ci ildə başlanıb. O, bu il yanvarın 11-də istismara verilib.
2009-cu ilin mayında Pekində keçirilən Azərbaycan-Çin biznes forumu çərçivəsində NAZ və "Chongqing Lifan Industry (Group) Imp.& Exp. Co., Ltd" avtomobil korporasiyası arasında əməkdaşlıq haqqında müqavilə imzalanıb.
Müqavilə "Lifan" markalı minik avtomobillərinin Naxçıvanda yığılmasını nəzərdə tutur.
Zavodda Almaniya, Belçika və İtaliya istehsallı avadanlığın son modellərindən istifadə olunur. Zavodun ümumi ərazisi 2,6 hektar təşkil edir.
