Azərbaycan, Bakı, 30 aprel /Trend, müxbir A.Axundov/
Azərbaycan Qiymətli Kağızlar üzrə Dövlət Komitəsi (QKDK) "Akkord İnşaat-Sənaye" ASC-nin ümumi məbləği 10,792 milyon manat olan sadə adlı sənədsiz səhmlərini qapalı yerləşdirmə metodu ilə qeydiyyata alıb. Bu barədə QKDK-nın məlumatında deyilir.
Emissiyaya hər birinin nominal dəyəri 5 manat olan 2 158 362 səhm daxildir.
"Akkord İnşaat-Sənaye" ASC tikinti şirkəti 2005-ci ildə yaradılıb.