Azərbaycanın valyuta bazarının həftəlik icmalı

2011-ci il yanvarın 1-dən Mərkəzi Bankın dollar/manatın məzənnəsinin ikitərəfli hədəfləmə siyasətinə keçidindən sonra milli valyutanın məzənnəsi sabitləşib. Makroiqtisadi analizlər göstərir ki, cari şəraitdə dollar/manatın məzənnəsinin ikitərəfli hədəfləməsi Mərkəzi Bankın məqsədləri, xüsusilə də inflyasiyanın səviyyəsinə təsikr göstərmək məqsədilə nisbətən daha çox razılaşdırılıb. Kommunikasiyalar nöqteyi-nəzərindən, bu mexanizm nəinki sərfəlidir, bu, həm də uzunmüddətli perspektivdə AMB-yə sərbəst üzən məzənnə rejiminə keçməyə imkan verəcək.

Ötən həftənin yekununa əsasən, Bakı Banklararası Valyuta Birjasının alış-verişi nəticəsində müəyyən olunmuş manatın ABŞ dollarına nisbəti 0,000 1 bənd (0,01 faiz) möhkəmlənib. Ötən həftə orta məzənnə bir ABŞ dolları üçün 0,79004 manat səviyyəsində müəyyən olunub.

Həftə ərzində BEST-də həmin gün valyutalaşdırma ilə sövdələşmələr həyata keçirilib (T+0): aprelin 25-də 0,7901 AZN/USD məzənnə ilə $5,62 milyon, aprelin 26-da 0,7901 AZN/USD məzənnə ilə $4,577 mln., aprelin 27-də 0,79 AZN/USD məzənnə ilə $8,801 mln., aprelin 28-də 0,79 AZN/USD məzənnə $2,863 mln., aprelin 29-da 0,79 AZN/USD məzənnə ilə $1,216 3 mln.

USD/AZN T+1 və T+2 alətləri üzrə tələbat olmadığından, dilerlər tərəfindən sövdələşmələr həyata keçirilməyib. RUB/AZN və EUR/AZN alətləri üzrə BEST-ə banklar tərəfindən sifarişlər təqdim olunmayıb. Aprelin 27-də Т+0 aləti (ödəniş həmin gün) üzrə BEST-də EUR/AZN ilə bir avro üçün 1,1622 manat məzənnə ilə 900 min sövdələşmə bağlanılıb.