Azərbaycan, Bakı, 5 may /Trend, müxbir N.İsmayılova/
Aprel ayında Azərbaycanda "Dəvəçi Broyler" dərin emal müəssisəsi vergi orqanlarında dövlət qeydiyyatından keçib. Trend-in məlumatına görə, bu barədə ölkənin Vergilər Nazirliyinin rəsmi saytının "bir pəncərə" bölməsində məlumat verilib.
Müəssisəni "Dəvəçi Broyler" ASC təsis edib. Onun qanuni nümayəndəsi Rusiya vətəndaşı Lyudmila Mironovadır. Təşkilat aprelin 5-də kommersiya fəaliyyəti üzrə dövlət qeydiyyatından keçib.
Müəssisənin nizamnamə kapitalı 2,5 milyon manat təşkil edir. Müəssisə ölkənin Şabran rayonunun Şabran şəhərində yerləşir.
Dəvəçi quşçuluq fabriki 1997-ci ildə özəlləşdirmə prosesindən uğurla keçib. Nəticədə "Dəvəçi Broyler" ASC dövlət və fiziki şəxslər arasında bölüşdürülüb.
2010-cu ildə "Dəvəçi Broyler" 7000 ton yüksək keyfiyyətli quş əti istehsal edib. 2011-ci ildə isə quş əti istehsalının 13 min tona çatdırılması planlaşdırılır. Müəssisə belə məhsuldarlığa müasir texnologiya və avadanlıqların tətbiqi, idarəetmə mexanizmlərinin təkmilləşdirilməsi və istehsal güclərindən tam istifadə edilməsi vasitəsilə nail olub. Hazırda müəssisəyə məxsus 52 quşçuluq ferması fəaliyyət göstərir.
Mayın 5-nə olan rəsmi məzənnə 0,7912 AZN/USD təşkil edir.