Azərbaycan, Bakı, 13 may /Trend, müxbir A.Axundov/
Yanvar-aprel aylarında Azərbaycanda könüllü həyat sığortası üzrə yığımların böyük hissəsini sığorta haqları 837 174,22 manat, ödənişləri isə 12 778 manat məbləğində olmaqla, həyat sığortası üzrə yığımlar təşkil edir. Trend-in məlumatına görə, bu barədə cümə günü Maliyyə Nazirliyinin hesabatında deyilir.
Ölüm hallarından sığortalanma üzrə haqlar 308 339,02 manat, ödənişlər isə 34 137,91 manat təşkil edib.
Həyat sığortası haqlarının ümumi həcmi 1 145 513,24 manat (haqların ümumi həcminin 1,73 faizi), ödənişləri isə 46 915,91 manat (ödənişlərin ümumi həcminin 0,27 faizi) olub.
Non-Life sığortanın əsas hissəsi əmlak sığortasının payına düşür. Bu zaman haqlar 26 114 057,15 manat, ödənişlər 8 669 183,45 milyon manat, vətəndaş məsuliyyətinin sığortası 3 996 646,5 manat, ödənişləri 81 265,4 manat, kreditlərin sığortası 48 320,92 manat, ödənişləri 6 147,4 manat və maliyyə risklərinin qarışıq sığortası ödənişsiz 794,03 manat təşkil edib.
Qeyri-həyat sığortası üzrə haqların ümumi həcmi 16 277 506,82 manat, ödənişləri isə 5952 867,57 manat təşkil edib. O cümlədən bədbəxt hadisələrdən və xəstəliklərdən sığorta üzrə yığımlar 2 569 487,54 manat, ödənişləri 375 413,33 manat, tibbi sığorta üzrə 13 708 019,28 manat, ödənişləri 5 577 454,24 manat təşkil edib.
Həyat sığortasından başqa sığortanın digər növləri üzrə sığorta haqlarının ümumi həcmi bu müddət ərzində 46 437 325,42 manat (sığorta haqlarının ümumi həcminin 70 faizi), ödənişləri 14 709 463,82 manat (83,23 faiz) təşkil edib.
Sığortanın icbari növlərinin strukturunda hərbi qulluqçuların dövlət fərdi sığortası üzrə haqlar 3 768 979 manat, ödənişlər 2 264 415 manat səviyyəsində olub, yanğından sığorta üzrə 2 886 113,49 manat, ödənişlər 182 674,39 manat, məhkəmə və hüquq-mühafizə orqanlarının dövlət fərdi sığortası 1 736 205 manat, ödənişləri 205 993 manat, nəqliyyat vasitələri sahiblərinin məsuliyyət sığortası 1 441 041,94 manat, ödənişləri 258 152,69 manat, dövlət qulluqçularının sığortası 3 030 manat, ödənişləri 1 595 manat, auditorların məsuliyyət sığortası ödənişsiz 2 063 manat, sərnişinlərin sığortası 151 063,41 manat, ödənişləri 3 600 manat, ekoloji sığorta üzrə sıfır ödənişlə 55 265,52 manat olub.
Bu dövrdə ölkədə fəaliyyət göstərən bütün sığorta şirkətlərinin sığorta haqlarının həcmi 66,342 milyon manat (il ərzində 23,47 faiz artım), ödənişləri isə 17,673 milyon manat (21,71 faiz artım) təşkil edib.
Azərbaycan Maliyyə Nazirliyinin yanvar-aprel ayları üçün hesabatında yeganə təkrar sığorta şirkəti AZRE-nin fəaliyyət yekunları göstərilməyib.
Mayın 13-nə olan rəsmi məzənnə 0,7908 AZN/USD təşkil edir.
