Azərbaycan, Bakı, 28 may /Trend, müxbir A.Axundov/
Azərbaycanın sığorta şirkəti "Bakı Sığorta"nın bu ilin yanvar-aprel aylarında həyata keçirdiyi yığımların 90 faizə yaxını və ya 1,556 milyon manatı sığortanın könüllü növlərinin payına düşüb. Bu barədə Trend-ə şirkətin idarə heyətinin sədr müavini Mehman Əliyev deyib.
Məlumata əsasən, 4 ay ərzində şirkətin yığımlarının ümumi həcmi 1,746 milyon manat təşkil edib, halbuki ödənişlərin həcmi 0,272 milyon manata çatıb.
"Bakı Sığorta" bədbəxt hadisələr və xəsəliklərdən sığorta üzrə 53 597,38 manat yığıb, 20 000 manat ödəyib, tibbi sığorta üzrə 470 158,91 manat yığılıb, ödəniş edilməyib.
Şirkətin yığımlarının 55 faizi və ya 962 955,14 manatı əmlak sığortasının payına düşüb. Ödənişlər 215 554,45 manat olub.
Əmlak sığortası üzrə yığımlardan avtonəqliyyat vasitələrinin sığortasının payına 668 686,98 manat (207 943,05 manat ödəniş), əmlakın yanğın və digər risklərdən sığortasına 278 588,76 manat (ödənişsiz), yük sığortasına 15 679,4 (ödənişsiz) düşüb. Yanvar-apreldə şirkət hava nəqliyyat vasitələrinin sığortası üzrə 7 611,4 manat ödəyib.
Vətəndaş məsuliyyətinin könüllü növləri üzrə şirkətin yığımları 68 212,98 manat (ödənişsiz) təşkil edib. Bundan nəqliyyat vasitələri sahiblərinin vətəndaş məsuliyyətinin sığortası üzrə 18 984,65 manat, işəgötürənin məsuliyyət sığortası üzrə 19 786,49 manat, ümumi vətəndaş məsuliyyətinin sığortası üzrə 29 441,84 manat yığılıb.
Şirkət qarışıq maliyyə risklərinin sığortası üzrə 769,5 manat yığıb.
Nəqliyyat vasitələri sahiblərinin vətəndaş məsuliyyətinin icbari sığortası üzrə "Bakı Sığorta" 3 103 manat məbləğində sığorta haqqı yığıb, ödənişlər 2 747 manat, icbari ekoloji sığorta üzrə 125,03 manat məbləğində edilib. Yanğından icbari sığorta üzrə haqlar 33 243,71 manat ödənişlə 186 671,04 manat təşkil edib.
"Bakı Sığorta" ASC 28 avqust 2007-ci ildən Azərbaycanın sığorta bazarında fəaliyyət göstərir. Nəzarət paketi "Bank Respublika" ASC-yə məxsusdur. "Bakı Sığorta" bank tərəfindən nəzarət paketinin (səhmlərin 50 faizindən çoxu) "Tural Sığorta" şirkətindən alınması yolu ilə yaradılıb. Yenilənmiş şirkətin səhmlərinin yerdə qalan hissəsi digər fiziki şəxslər arasında bölüşdürülüb. Şirkətin nizamnamə kapitalı 4,377 milyon manata bərabərdir.
Sirkətin idarə heyətinin sədr müavininin sözlərinə görə, bu il şirkətin planlarına yeni xidmətlərin tətbiqi daxil deyil.
Şirkətin 24 növ sığorta xidmətinin göstərilməsinə lisenziyası var. Onların dördü icbaridir. Onların arasında ənənəvi əmlak sığortası, fərdi sığorta, məsuliyyət sığortası, kosmik, energetika risklərinin, ətraf mühitin çirkləndirilməsi sığortası və s. var.Baki Sığorta həm fiziki, həm də hüquqi şəxslərə xidmət göstərir.
Mayın 28-nə olan rəsmi məzənnə 0,7896 AZN/USD təşkil edir.
