Azərbaycan, Bakı, 17 avqust /Trend, müxbir A.Axundov/
Azərbaycanın sığorta şirkəti "Azərbaycan Sənaye Sığorta" 2011-ci ildə nizamnamə kapitalını ötən ilin yekunları üzrə əldə edilən gəlir hesabına 1,2 milyon manat artırmağı planlaşdırır. Bu barədə Trend-ə şirkətin idarə heyətinin sədri İntiqam Seyfulla deyib.
"Azərbaycan Sənaye Sığorta"nın ödənilmiş nizamnamə kapitalı 4,8 milyon manat səviyyəsindədir. 2010-cu ildə şirkətin xalis gəliri 1,287 milyon manat olub.
"Bu il biz 2-3 milyon manat gəlir əldə edəcəyimizə ümid edirik. Bu da nizamnamə kapitalının artırılmasına yönəldilə bilər", - Seyfulla qeyd edib.
Onun sözlərinə görə, altı ayın yekunları üzrə şirkət artıq 1,17 milyon manat gəlir əldə edib.
Azərbaycanın sığorta şirkəti "Azərbaycan Sənaye Sığorta" Azərbaycan Sənaye Bankı tərəfindən 1996-cı ilin dekabrında yaradılıb. 2010-cu ildə bank öz səhmlərinin yarısını Azərbaycanın "Anadolu Investments" şirkətinə satıb.
"Anadolu Investments" konservləşdirilmiş məhsulun istehsalında ixtisaslaşan Türkiyənin "Anadolu Cam Investment" şirkətinin filialıdır. "Azərbaycan Sənaye Bankı" ASC-nin səhmlərinin 97 faizi "Anadolu Investments"ə məxsusdur.
Şirkət sığortanın 28 könüllü və 5 icbari növü üzrə xidmətlər göstərir. Şirkətin nizamnamə kapitalı 4,8 milyon manatdır.
Avqustun 17-nə olan rəsmi məzənnə 0,7865 AZN/USD təşkil edir.
