Azərbaycan, Bakı, 2 sentyabr /Trend, müxbir A.Axundov/
Ötən il olduğu kimi Bakının daşınmaz əmlak bazarında aktivlik əvvəlki ayla müqayisədə artıb. Bu barədə konsaltinq və qiymətləndirmə şirkətinin araşdırmalarında göstərilir.
"Bu artım yay mövsümünün sona çatması və alıcıların bazara qayıtması ilə izah olunur. Aktivliyin artımı özünü bazarda aparılan əməliyyatların sayında və qiymətlərin artımında göstərib", - tədqiqatda deyilir.
Ay ərzində satış portfelində ucuz evlərin payı 56,1 faizdən 56,8 faizədək artıb, orta və bahalı qiymətə satılan evlər isə 43,9 faizdən 43,2 faizədək azalıb.
Uyğun olaraq, ay ərzində satış portfelinin mütləq hissəsini ucuz evlər təşkil edib ki, bu da alıcıların əksər hissəsinin ipoteka kreditinin imkanlarından istifadəsi nəticəsindən irəli gəlir.
"Ay ərzində təкrаr mənzil bаzаrındа təklifin sayı 3,7 faiz, bаğlаnаn əqdlərin sayı 1,9 faiz artaraq, müvafiq olaraq, 3495 təklif və 421 satış, əmlakın ekspozisiya müddəti isə 1,4 faiz azalaraq 140 gün təşkil edib", - məlumatda deyilir.
Tədqiqat göstərir ki, təklif portfelində köhnə mənzillərin payının azalması davam edib, əvəzində isə "yeni tikili"lərin payı artır.
