Azərbaycan, Bakı, 3 sentyabr /Trend, müxbir A.Axundov/
2010-cu ildəki fəaliyyətinin yekunları üzrə Azərbaycanın sığorta şirkəti "Qarant Sığorta"nın aktivləri 35,2 faiz artaraq ilin əvvəlindəki 7,806 milyon manata qarşı 10,554 milyon manat təşkil edib. Trend-in məlumatına görə, bu barədə şənbə günü şirkətin rəsmi mətbuatda dərc olunmuş balans hesabatında deyilir.
2010-cu ilin sonunda şirkətin uzunmüddətli aktivləri 2,11 dəfə artaraq 1,295 milyon manat, qısamüddətli aktivləri isə 28,79 faizlik artımla 9,26 milyon manat təşkil edib.
Ötən il şirkətin depozit hesabları 25,348 milyon manat, hesablaşma hesabları isə 0,166 milyon manat olub.
2010-cu ildə "Qarant Sığorta" ASC-nin ödənilmiş nizamnamə kapitalı 2009-cu ildə olduğu kimi 4 milyon manat olub. Şirkət 2010-cu ili 52,9 min manat zərərlə başa vurub.
Ötən il şirkətin məcmu kapitalı 2009-cu illə müqayisədə 1,52 faiz azalaraq 3,438 milyon manat olub.
Şirkətin məcmu öhdəlikləri 64,9 faiz artaraq 7,117 milyon manat, ümumilikdə kapital və öhdəlikləri 35,2 faiz artaraq 10,554 milyon manat təşkil edib.
2010-cu il ərzində şirkətin, o cümlədən sığorta üzrə gəlirləri 9,399 milyon manat, investisiya qoyuluşları üzrə gəlirləri 0,423 milyon manat səviyyəsində olub.
2010-cu il ərzində şirkətin xərcləri 9,452 milyon manat, o cümlədən sığorta ödənişləri 2,53 milyon manat, təkrar sığorta ödənişləri 4,01 milyon manat, görülən işlərlə əlaqədar xərcləri 2,76 milyon manat olub.
"Qarant Sığorta" sığorta şirkəti 2007-ci ilin noyabrında sığorta fəaliyyəti gösttrəmək üçün Azərbaycanın Maliyyə Nazirliyindən lisenziya alıb. "Qarant Sığorta" ZQAN Holding-in tərkibinə daxildir.
Sentyabrın 3-nə olan rəsmi məzənnə 0,7866 AZN/USD təşkil edir.
