Azərbaycan, Bakı, 7 sentyabr /Trend, müxbir A.Axundov/
Azərbaycanın "Silk Way Holding" şirkəti yeni Boeing 767-2 yük təyyarəsi almağı planlaşdırır. Bu barədə Trend-ə çərşənbə günü "Silk Way Travel" şirkətinin direktoru Şirzad Əfəndiyev bildirib.
"Bu ilin sonu - gələn ilin əvvəlində "Silk Way Holding" Boeing 767-2 yük təyyarəsi almağı planlaşdırır", - o deyib.
Onun sözlərinə görə, son iki il ərzində Azərbaycanın aviaparkı iki dəfə artaraq 21 təyyarəyə çatıb.
"Bununla yanaşı, gələn il bir ədəd Boeing 767 tipli sərnişin təyyarəsi, 2014-cü ildə isə iki ədəd Boeing 787 Dreamliner almağı planlaşdırırıq", - Əfəndiyev deyib.
Boeing şirkətindən bildirilib ki, Boeing 787 Dreamliner təyyarələrinin ilk tədarükünə sentyabrın sonunda başlanacaq.