...

Azərbaycanın sığorta şirkəti aktivlərin səviyyəsinə görə Şərqi Avropa üzrə orta göstəricilərə çatıb

Biznes və iqtisadiyyat xəbərləri Materials 4 Noyabr 2011 16:00 (UTC +04:00)

Azərbaycan, Bakı, 4 noyabr /Trend, müxbir A.Axundov/

Cari ilin doqquz ayında Azərbaycanın sığorta şirkəti "Paşa Sığorta"nın ümumi aktivlərinin qiyməti 47 milyon manata çatıb. Trend-in məlumatına görə, bu barədə cümə günü "Paşa Sığorta"nın idarə heyətinin sədri Nofəl Rzayevin şirkətin saytında yerləşdirilən müsahibəsində deyilir.

"Bizim bu göstəricilərimiz indi Şərqi Avropanın sığorta şirkətlərinin orta göstəriciləri ilə tamamilə müqayisə ediləndir" , - Rzayev deyib.

Onun sözlərinə görə, 30 milyon manat nizamnamə kapitalına malik "Paşa Sığorta" şirkətinin ümumi investisiya portfeli 36 milyon manata çatıb.

"Doqquz ay ərzində investisiya gəlirləri 2,4 milyon manat təşkil edib ki, bu da 2011-ci ilə planlaşdırılan investisiyalar üzrə gəlirlik göstəricisini 10 faiz üstələyir", - Rzayev bildirib.

146,5 milyon manat dəyərində olan ümumi sığorta bazarının doqquz aylıq həcmindən 9,2 milyon manat "Paşa Sığorta"nın payına düşüb. Rzayevin sözlərinə görə, bu, şirkətin 2011-ci ilə olan planına uyğun normal göstəricidir.

"2011-ci il "Paşa Sığorta" tərəfindən "İnkişaf ili" elan edilib. Bu o deməkdir ki, şirkətin cari ilin doqquz ayı ərzində strukturun biznes-modelinin və ona xidmət göstərən daxili biznes-sistem və proseslərinin təkmilləşdirilməsi və "hamarlanması", eləcə də təşkilatın kadr potensialının monitorinqi ilə bağlı əsas idarə və menecment prioritetləri olub. Bu iş kifayət qədər uğurla gedir və ilin sonuna qədər başa çatacaq", - o deyib.

"Paşa Holdinq" qrupun daxil olan "Paşa Sığorta" 2006-cı il martın 3-də qeydiyyatdan keçib. SŞ sığortanın 30 növü üzrə koprorativ və fərdi müştərilərə xidmətlər göstərir. Şirkətin nizamnamə kapitalı 30 milyon manat təşkil edir və kapitallaşmanın həcminə görə "Paşa Sığorta" ölkənin sığorta bazarının lideridir.

Noyabrın 4-nə olan rəsmi məzənnə 0,7869 AZN/USD təşkil edir.

Xəbər lenti

Xəbər lenti