Azərbaycan, Bakı, 29 noyabr /Trend, müxbir E.İsmayılov/
Yanvar-sentyabrda Azərbaycana 1,4 min tondan çox sement və sement klinkerleri idxal edilib ki, bu da 2010-cu ilin analoji dövr göstəricisindən 31,2 faiz çoxdur. Bu barədə çərşənbə axşamı Trend-ə Azərbaycan Dövlət Statistika Komitəsindən məlumat veriblər.
Yanvar-sentyabrda 69,7 milyon dollar dəyərində sement və sement klinkerləri idxal edilib ki, bu da 2010-cu ilin eyni dövr göstəricisindən 40,9 faiz çoxdur.
Yanvar-sentyabrda 598,8 min ton həcmində sement klinkerləri idxal edilib ki, bu da ötən ilin analoji dövr göstəricisindən 43,2 faiz çoxdur. Klinkerlər təxminən 26,25 milyon dollar həcmində idxal olunub. Bu da 2010-cu eyni dövrü ilə müqayisədə 33,8 faiz çoxdur.
Yanvar-sentyabr ərzində ölkəyə 816,7 min ton sement gətirilib ki, bu da ötən ilin analoji dövrünə nisbətən 23,7 faiz çoxdur. Bu dövrdə təxminən 43,46 milyon dollar dəyərində sement idxal edilib ki, bu da ötən ilin eyni dövrü ilə müqayisədə 45,6 faiz çoxdur.
Bu ilin yanvar-oktyabrında Azərbaycana təxminən 1,2 milyon ton sement gətirilib ki, bu da 2010-cu ilin analoji dövrü ilə müqayisədə 11,4 faiz çoxdur.
