...

Nəqliyyat Nazirliyi 2012-ci ildə Bakıda bir neçə piyada keçidini istismara verəcək

Biznes və iqtisadiyyat xəbərləri Materials 24 Yanvar 2012 16:42 (UTC +04:00)

Azərbaycan, Bakı, 24 yanvar /Trend, müxbir E.İsmayılov/

Azərbaycan Nəqliyyat Nazirliyi bu il Bakının iri prospektlərində üç piyada keçidini istismara verməyi planlaşdırır. Bu barədə çərşənbə axşamı Trend-ə nazirlikdəki mənbə deyib.

Onun sözlərinə görə, xüsusən, hazırda yeraltı piyada keçidlərindən biri Bakının Nizami rayonunda, "8-ci kilometr" qəsəbəsindəki bazarın qarşısında, digəri isə Heydər Əliyev prospektində, "Şəfa" stadionun yaxınlığında tikilir.

"8-ci kilometr" bazarı ərazisindəki keçid dörd çıxışdan ibarət olacaq, onlardan ikisi bazara, digərləri isə yaxınlıqda yerləşən Heydər Əliyev parkına çıxacaq. Keçidin uzunluğu 56 metr, eni 12 metr, hündürlüyü isə 2,8 metr olacaq. Keçid nasos stansiyası, ventilyasiya sistemi, sanitar qovşağı ilə təchiz ediləcək.

"Şəfa" stadionun qarşısındakı yeni keçidin uzunluğu 138 metr, eni 6 metr, hündürlüyü isə 5,5 metr təşkil edəcək. Keçidin iki çıxışı "Şəfa" stadionunun yaxınlığında, qalan ikisi isə prospektin əks tərəfində yerləşəcək.

"Həmçinin, "Babək" prospektində daha bir keçidin tikintisi aparılır. Bütün keçidlər cari il ərzində istismara veriləcək", - mənbə qeyd edib.

Xəbər lenti

Xəbər lenti