Azərbaycan, Bakı, 30 yanvar / Trend müxbir E.İsmayılov/
Bakıya yerli vaxtla saat 12:20-də gəlməli olan Astana-Bakı aviareysi 2,5 saat yubanacaq. Bu barədə bazar ertəsi Trend-ə Heydər Əliyev Beynəlxalq Aeroportundan məlumat verilib.
"Aviareysin yubanmasına səbəb təyyarənin Astanadan havaya vaxtından 2,5 saat gec qalxmasıdır. Yubanmanın səbəbləri göstərilmir", - aeroportdan deyiblər.
Məlumata görə, bununla əlaqədar paytaxtdan saat 13:30-da uçmalı olan Bakı-Astana reysində də yubanma olacaq.