Azərbaycan, Bakı, 5 mart / Trend, müxbir A.Axundov /
Azərbaycanın yeni iqtisadi inkişaf modelinə ehtiyacı var. Bu barədə bazar ertəsi Dünya Bankının (DB) Avropa və Mərkəzi Asiya regionunda strategiya və layihələr üzrə direktoru Teodor Alers Bakıda iqtisadi siyasət üzrə ikinci iqtisadi forumda deyib.
"Azərbaycana əsas istiqamətləri iqtisadiyyatın diversifikasiyası və gələcəkdə neft-qaz gəlirlərinin azalmasına hazırlıq, eləcə də yeni iş yerlərinin yaradılması olan model lazımdır", - Alres deyib.
Onun sözlərinə görə, əgər hazırda neft-qaz gəlirləri iqtisadiyyatın mühərrikidirsə, gələcəkdə "Azəri-Çıraq-Günəşli", "Şahdəniz" və başqa bu kimi iri yataqların olmasına baxmayaraq, vəziyyət dəyişəcək.
"Azərbaycan əhalisi gənc və işləmək qabiliyyətlidir, onun üçün yeni iş yerlərinin yaradılması vacibdir", - Alers deyib.
Onun sözlərinə görə, Prezident İlham Əliyev tərəfindən qoyulmuş on il ərzində ÜDM-in iki dəfə artırılmasına dair məqsəd çətin olsa da, tamamilə realdır.
"Buna aydın iqtisadi siyasətin yürüdülməsi və islahatların dəqiq yerinə yetirilməsi yolu ilə nail olmaq olar. Bu planda 2020-ci ilədək strateji inkişaf planının hazırlanmasına başlamaq yaxşı siqnaldır", - DB direktoru deyib.
Forum martın 6-dək davam edəcək.