Çinin Azərbaycana texniki yardımı 25 milyon dolları ötüb
Azərbaycan, Bakı, 27 mart /Trend, müxbir A.Axundov/
İndiyədək Azərbaycan və Çin hökumətləri arasında ümumi məbləği 165 Çin yuanı (təqribən 26 milyon dollar) olan 8 texniki-iqtisadi əməkdaşlıq sazişi imzalanıb.
Trend-in məlumatına görə, bu barədə çərşənbə axşamı Milli Məclisin təsdiq etdiyi Nazirlər Kabinetinin 2011-ci ildə fəaliyyəti haqqında hesabatda deyilir.
Çin hökuməti ilə imzalanmış sazişlərə əsasən, ayrılan texniki yardım sayəsində Azərbaycana 130 ədəd məişət tullantıları daşıyan, 13 ədəd sudaşıyan və 20 ədəd çirkab suları soran nəqliyyat vasitəsinin tədarükü nəzərdə tutulur.
"Bu nəqliyyat vasitələrinin Azərbaycana çatdırılması üçün zəruri addımlar atılır", - hesabatda deyilir.
