Azərbaycan, Bakı, 2 aprel /Trend/
Bakının Azadlıq prospektində çəkilmiş yeni 500 mm diametrlik magistral su xəttinin şəbəkəyə birləşdirilməsi işləri həyata keçirilir. Metal borulardan ibarət magistral kəmər özüaxımılı rejimdə işləməklə su təchizatını yaxşılaşdıracaq. Bu barədə "Azərsu" ASC-nin Mətbuat xidməti və ictimaiyyətlə əlaqələr şöbəsindən Trend-ə verilən məlumatda deyilir.
Yenidənqurma işləri ilə əlaqədar aprelin 2-3-də Bakının Səbail və Nəsimi rayonlarının bir hissəsinə - Azadlıq və Bülbül prospektlərinə, Puşkin və Dilarə Əliyeva küçələrinə içməli suyun verilməsində məhdudiyyətlər olacaq.
Yaranmış narahatlıqla əlaqədar "Azərsu" ASC abonentlərdən üzr istəyir.