Azərbaycan, Bakı, 5 aprel /Trend, müxbir A.Axundov/
Dövlət Sosial Müdafiə Fondu (DSMF) məcburi dövlət sosial sığorta haqları hesabına ödənilən müavinətlərin təyin olunması və bu müavinətlər üzrə xərclərin uçotunun avtomatlaşdırılması ilə bağlı hazırlanmış proqram təminatının təkmilləşdirilməsinə dair tender elan edib. Trend-in məlumatına görə, bu barədə cümə axşamı tender komissiyasının rəsmi mətbuatda dərc edilən məlumatında deyilir.
Tender DSMF-nin yerli orqanlarında bu proqram təminatının tətbiqi üzrə xidmətlərin göstərilməsini də nəzərdə tutan hər bir lot üzrə keçirilir.
Tenderdə iştirak haqqı 200 manat təşkil edir, tender təklifləri 2012-ci il 15 may saat 17:00-dək qəbul edilir.