Azərbaycan, Bakı, 28 sentyabr /Trend, müxbir E.İsmayılov/
"Azərbaycan Dəmir Yolları" QSC elektrik enerjisi ilə bağlı yaranan problem səbəbindən qatarların teplovozlarla daşınmasına başlayıb. Bu barədə cümə günü Trend-ə QSC-nin mətbuat xidmətinin rəhbəri Nadir Əzməmmədov deyib.
Onun sözlərinə görə, səhər saatlarında Astara-Bakı qatarı paytaxta gəlib.
"Lakin elektrik enerjisinin verilməsində yaranan problem səbəbindən biz qatarların teplovozlarla daşınmasına başlamışıq", - Əzməmmədov qeyd edib.
Mətbuat xidmətinin rəhbərinin sözlərinə görə, qatarların teplovozlarla daşınması hər iki istiqamətdə (paytaxta və paytaxtdan) həyata keçirilir.
Problemə baxmayaraq, QSC sərnişinlərin daşınması üçün zəruri tədbirlər görür.