Azərbaycan, Bakı, 19 yanvar /Trend, müxbir A.Axundov /
2012-ci ildə Azərbaycanın sığorta şirkətləri avtonəqliyyat vasitəsi sahiblərinin mülki məsuliyyətinin icbari sığortası üzrə 917 min dollardan artıq müqavilə imzalanıb. Trend-in məlumatına görə, bu barədə şənbə günü İcbari Sığorta Bürosundan xəbər verilib.
2012-ci ildə sığortanın bu növü üzrə yığımlar 727 milyon manatı ötüb.
Daşınmaz əmlakın icbari sığortası üzrə 125 mindən çox müqavilə, daşınmaz əmlakın istismarı ilə bağlı mülki məsuliyyətinin icbari sığortası üzrə 334,3 min manat məbləğində 4854, sərnişinlərin icbari fərdi qəza sığortası üzrə 93,4 min manatlıq 363 müqavilə bağlanıb.
2012-ci ildə sığortanın bu dörd növü üzrə 83,92 milyon manat vəsait toplanılıb.
2012-ci ildə Azərbaycanda sığortanın icbari növləri üzrə yığımlar bir il ərzində 2,4 dəfə artaraq 127,52 milyon manat təşkil edib, onların payı yığımların ümumi həcmində 24,4 faizdən 37,22 faizə qədər artıb. Sığortanın bu növləri üzrə ödəmələr 93,86 milyon manat təşkil edib ki, bu da 2011-ci ilin göstəriciləri ilə müqayisədə 52,44 faiz çoxdur.
