...

"Renault" modellərinə sərfəli şərtlər (FOTO)

Biznes və iqtisadiyyat xəbərləri Materials 24 Yanvar 2013 15:00 (UTC +04:00)
"Renault Azərbaycan" avtomobil sahibi olmaq istəyənləri sevindirməkdə davam edir.
"Renault" modellərinə sərfəli şərtlər (FOTO)

Trend-i buradan izləyin

Azərbaycan, Bakı, 24 yanvar /Trend/

"Renault Azərbaycan" avtomobil sahibi olmaq istəyənləri sevindirməkdə davam edir.

Dünyanın ən aparıcı avtomobil istehsalçısı və "Formula-1" yarışlarının ən sürətli bolidinin mühərrik təchizatçısı olan "Renault" brendinin dünyaca məşhur modellərini indi daha əlverişli şərtlərlə "Renault Azərbaycan"ın Satış Mərkəzindən əldə etmək mümkündür. Belə ki, brendin uğurunu təmin edən ən yaxşı xüsusiyyətləri özündə cəmləşdirən, yüksək keyfiyyət və etibarlılığı ilə fərqlənən funksional sedan "Renault Logan" və etibarlı və möhkəmliliyi ilə emosionallıq və səmərəyə üstünlük verənlərin etimadını qazanmış ailə hetçbeki "Renault Sandero" avtomobillərini əldə etmək üçün bank və sığorta xərci daxil olmaqla cəmi 1950 manat ilkin ödəniş kifayət edir.

"Renault Logan" etibarlılıq və yüksək təhlükəsizlik səviyyəsini əks etdirən müasir bir sedandır. Avtomobil ABS və EBD sistemləri ilə təchiz olunub. Logan-ın bütün komplektasiyaları təhlükəsizlik yastıqları ilə təmin edilib. Hündürlüyə görə nizamlanan sükan sürücü komfortunun səviyyəsinin artırılmasına imkan yaradır.

Logan-ın 1,6 litrlik mühərriki 103 at gücü istehsal edir. Avtomobil həm avtomotik, həm də mexaniki sürət qutusu ilə müştərilərə təklif olunur.

"Renault Logan" fransız nişanına xas olan yüksək səviyyəli keyfiyyət, təhlükəsizlik və etibarlılığı ilə seçilən ailəvi sedandır. Bu avtomobil istehlakçılara mükəmməl qiymət/texniki təchizat nisbəti, son dərəcə həcmli salon və baqaj bölümü təklif edir. Avtomobilin kuzovu müasir təhlükəsizlik tələblərinə uyğundur və korroziyaya qarşı sarsılmaz xüsusiyyətlərə malikdir.

"Renault Sandero" günümüzdə müasir avtomobillərə olan başlıca tələblərə tam cavab verir. Əlverişli qiymətə geniş və etibarlı hetçbek axtaran gənc və fəal insanlar üçün ideal avtomobildir. Sandero dinamiklik və etibarlılıq əks etdirən cazibədar görkəmli müasir hetçbekdir. Gözəl təsir bağışlayan fənərlər, radiator barmaqlığı və ön bamper kuzov dizaynı ilə harmoniya təşkil edir. Yan xətlər "yüksələn dalğa" yaradaraq bütövlülük təəssüratı buraxır. Avtomobilin interyeri də müasirdir. Yeni cihaz paneli xırdalıqlara qədər düşünülüb. Sandero-nun asqı sisteminin xüsusiyyətləri elə seçilib ki, idarəetmənin sərrast və düz olmadığı yol səthində rahat yerə yapışmanı təmin etsin. Sandero hündür klirensə (155 mm) və kuzovun müdafiə örtüyünə malikdir. Bu, müxtəlif örtüklü yollarda, həm şəhərdə, həm şəhər kənarında rahat hərəkəti təmin edir. Sandero-nun konstruksiyası etibarlı və möhkəmdir. Elektrik sistemin etibarlılığı və elektron cihazların işlənməsinə böyük önəm verilib.

"Renault Azərbaycan" bütün modellərinə 3 il və ya 100.000 km zəmanət verir.

Ünvan: Bakı, Babək prospekti, 28 D
Telefon: (+994 12) 447 27 21
E-mail: [email protected]
Web: http://www.renault.az/
http://www.facebook.com/renaultazerbaijan

Məqalədə:
Xəbər lenti

Xəbər lenti