Azərbaycan, Bakı, 22 fevral /Trend/
Azərbaycan Risk Peşəkarları Assosiasiyası (ARPA) bu il ölkənin bank bazarının nümayəndələri hesabına ARPA-nın korporativ üzvlərinin sıralarını genişləndirməyə davam edib. Bu barədə cümə günü ARPA-dan Trend-ə bildiriblər.
ARPA-nın sıralarına daha 4 bank daxil olub: "Bank Technique", "BTB Bank", "Bank Respublika" və "AFB Bank".
Hazırda ARPA-nın 28 korporativ üzvündən 24-ü bank, 4-ü isə sığorta şirkətidir: "PAŞA Həyat Sığorta", "AxaMbask", "Atəşgah Sığorta" və "QalaHəyat Sığorta". Sığorta şirkətləri assosiasiyaya bu il qoşulublar. ARPA-da, həmçinin 700 müstəqil üzv təmsil olunub.
ARPA-nın yaradılmasında məqsəd Azərbaycanın maliyyə sektorunda risklərin azaldılmasına yardım etməkdir.
ARPA 2009-cu ilin mayında yaradılıb.