Fransa, Paris, 28 fevral /Trend, müxbir A.Axundov/
Türkiyənin ikinci ən böyük özəl bankı "Garanti Bankası A.S." Azərbaycanın bank bazarına maraq göstərir. Bu barədə Trend-ə bankın icraçı vitse-prezidenti xanım Ebru Dildar Edin bildirib.
Bank təmsilçisi Parisdə keçirilən "Bank işinin gələcəyi" sammitində (Fourth Future of Banking Summit) iştirak edir.
Sammit "PaşaBank"ın sponsorluğu ilə "The Economist Conferences"in təşkilatçılığı ilə keçirilir.
"Ortamüddətli perspektivdə Azərbaycanda fəallığımızı artırmaq niyyətindəyik, çünki bankımız regional ekspansiyaya istiqamətlənib", - Edin bildirib.
Onun sözlərinə görə, lakin yaxın perspektivdə (6 ay-1 il) "Garanti Bankası" bu istiqamətdə hər hansı addım atmayacaq.
