Azərbaycan, Bakı, 5 iyul /Trend, müxbir E.İsmayılov/
"Azərbaycan Dəmir yolları" QSC 26 sərnişin vaqonunu təmir üçün xaricə göndərib. Bu barədə cümə günü Trendə QSC-nin mətbuat xidmətinin rəhbəri Nadir Əzməmmədov deyib.
Əzməmmədov bildirib: "Xüsusilə, 10 vaqon təmir üçün Ukraynaya, 16 vaqon isə Rusiyaya (Voronej şəhəri) göndərilib".
Daha əvvəl Ukraynaya göndərilmiş vaqonların əsaslı təmirdən sonra ölkəyə qaytarılması məsələsinə toxunan Əzməmmədov qeyd edib ki, 50 vaqondan artıq 35-i Bakıya qaytarılıb.
Azərbaycanda sərnişin vaqonlarının əsaslı təmiri üzrə texnologiyalar olmadığına görə vaqonlar təmir üçün Ukrayna zavoduna göndərilmişdi.
