Azərbaycan, Bakı, 1 mart /Trend, müxbir T.Cəfərov/
Bu gün Tehranda İranın Qızıl, Zərgərlik, Gümüş və Qiymətli Daşların İstehsalı və İxracatı Birliyi ilə İstanbulun zərgərlər Birliyi arasında əməkdaşlıq sazişi imzalanıb. Trend-in məlumatına görə, bu barədə İran televiziyasının rəsmi xəbər saytı iribnews məlumat verir.
Məlumata əsasən, əməkdaşlıq sazişinə görə, müştərək özəl sərgilərin təşkili, iqtisadi məlumatların mübadiləsi, istehsal və ixracat şirkətləri və birlikləri ilə bağlı məlumat mübadiləsi, ticarət sahəsində problemlərin aradan qaldırılması məqsədi ilə "dəyirmi masa"ların təşkili, qızıl və zərgərlik istehsalı və ixracatı ilə məşğul olan üzvlərin təlimi üçün toplantıların təşkili, həmçinin qızıl və zərgərlik məmulatları istehsalı və ixracatı sahəsində birgə əməkdaşlıq edəcəklər.
İran KİV-nin məlumatına görə, 2013-cü ildə Türkiyədən İrana 1,7 milyard dollar dəyərində qızıl ixrac olunub.
