Azərbaycan, Bakı, 5 may /Trend, müxbir E.Əliyev/
2014-cü il aprelin 1-nə Azərbaycan bankları manatda və xarici valyutada depozitlər üzrə faiz dərəcələrini azaldıblar. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.
Hesabata əsasən, 2014-cü il aprelin 1-nə manatda depozitlər üzrə orta dərəcə 9,32 faiz təşkil edib. 2013-cü il aprelin 1-nə bu rəqəm 9,84 faiz təşkil edib. Xarici valyutada depozitlər üzrə orta dərəcə 9,64 faiz olub. 2013-cü il aprelin əvvəlinə bu göstərici 10,33 faiz təşkil edib.
2014-cü il aprelin 1-nə olan vəziyyətə görə, fiziki şəxslərin manatda depozitləri üzrə orta dərəcə 9,73 faiz olub. Bu göstərici 2013-cü il aprelin 1-nə 10,33 təşkil edib.
Fərdi müştərilərin xarici valyutada depozitləri üzrə orta dərəcə 10,13 faizə bərabər olub. 2013-cü il aprelin əvvəlinə bu rəqəm 10,69 faiz olub.
2014-cü il aprelin 1-nə hüquqi şəxslərin yerli valyutada depozitləri üzrə orta dərəcə 5,66 faiz təşkil edib. 2013-cu il aprelin 1-nə bu rəqəm 6,09 faiz olub. Korporativ müştərilərin xarici valyutada depozitləri üzrə orta dərəcə 3,48 faizə bərabər olub. 2013-cü il aprelin əvvəlinə bu göstərici 4,62 faiz təşkil edib.
