Azərbaycan, Bakı, 20 iyun /Trend, müxbir Emin Əliyev/
Azərbaycanın "Atəşgah Sığorta" şirkəti bu il üçün yığımlar üzrə proqnozları yenidən nəzərdən keçirir. Bunu cümə günü Trend-ə şirkətin İdarə heyətinin sədri Tələt Səfərov deyib.
T. Səfərov bildirib: "Bəli, bizim müəyyən planımız var, lakin onu daha əvvəl kreditləşmənin məhdudlaşdırılması ilə bağlı normativ dəyişikliklər səbəbindən korrektə etməyə məcbur olduq".
Azərbaycan Mərkəzi Bankı ötən ilin sonunda banklardan istehlak kreditlərinin verilməsi üzərində nəzarəti sərtləşdirməyi tələb etmişdi. Tənzimləyici ölkədə fəaliyyət göstərən banklara borcalana iş yerindən arayış təqdim etmədən kreditlərin verilməsini dayandırmaq təlimatı ilə bağlı məktub göndərmişdi.
Yeni yolların axtarılmasını başa düşdüklərini deyən T. Səfərov qeyd edib: "Müxtəlif sahələrdə hazırlanmış məhsullar üzərində artıq iş aparırıq. Bu, avtomobil, əmlak sığortası və pərakəndə ilə müvafiq iş. İstənilən belə böhranlar hazırda da mövcud olan sabit istqamətlərdə dayanmaq əvəzinə yeni istiqamətlər axtarmaq üçün yaxşı imkandır".
