Azərbaycan, Bakı, 6 may /Trend, müxbir Ənvər Məmmədov/
Qiymətli Kağızlar üzrə Dövlət Komitəsi (QKDK) "Finoko" bank olmayan kredit təşkilatının 700 min manat dəyərində adi, sənədsiz, adlı səhmlərinin emissiya prospektini qeydiyyata alıb.
Trend-in QKDK-yə istinadən verdiyi məlumata görə, emissiya çərçivəsində hər birinin nominal dəyəri 10 manat olan 70 min səhm buraxılıb.
Emissiyanın yerləşdirilməsindən sonra "Finoko"nun nizamnamə kapitalı 3 dəfədən çox -1 milyon manatadək artırılacaq.