...

Maliyyə Nazirliyində Apellyasiya Şurası yaradılıb

Biznes və iqtisadiyyat xəbərləri Materials 12 Fevral 2016 12:06 (UTC +04:00)

Bakı. Trend:

Azərbaycan Respublikası Prezidentinin "Azərbaycan Respublikasının mərkəzi və yerli icra hakimiyyəti orqanlarında Apellyasiya Şuralarının yaradılması haqqında" 3 fevral 2016-cı il tarixli Fərmanına uyğun olaraq Maliyyə Nazirliyində Apellyasiya Şurası yaradılıb.

Bu barədə Trend Maliyyə Nazirliyinə istinadən xəbər verir.

Məlumatda bildirilir ki, Şuranın Katibliyi yaradılıb və tərkibi təsdiq edilib.

Sahibkarlıq fəaliyyəti göstərən fiziki və hüquqi şəxslərin şikayətlərinə baxılması sahəsində şəffaflığın və obyektivliyin təmin edilməsi, bu sahədə şəxslərin hüquqlarının və qanunla qorunan maraqlarının müdafiəsi məqsədi ilə yaradılan Şuraya maliyyə nazirinin müavini Azər Bayramov sədr təyin olunub.

7 nəfərdən ibarət Apellyasiya Şurasına nazirliyin aparatının şöbə müdirləri, katibliyə isə nazirliyin məsul əməkdaşları daxildir.

Apellyasiya Şurası Bakı şəhəri Səməd Vurğun küçəsi 135 ünvanında - Maliyyə Nazirliyinin inzibati binasında fəaliyyət göstərəcək.

Məqalədə:
Xəbər lenti

Xəbər lenti