Bakı. Trend:
Azərbaycan Qətərlə ticarət, sənaye, həmçinin kənd təsərrüfatı, İKT, turizm və digər sahələr üzrə münasibətləri inkişaf etdirməyə hazırdır.
Trend-in məlumatına görə, bunu Azərbaycanın İqtisadiyyat nazirinin müavini Niyazi Səfərov Azərbaycan-Qətər işgüzar görüşü çərçivəsində bildirib.
Onun sözlərinə görə, bu ölkələr mal dövriyyəsinin inkişaf etdirilməsi üçün yaxşı bazaya malikdirlər.
İqtisadiyyat nazirinin müavini qeyd edib: "Ölkələr arasında siyasi münasibətlər ən yüksək səviyyədədir və bu əlaqələrin nəticəsi olaraq iqtuisadi əlaqələr də inkişaf edir. Biz gələcəkdə də bu münasibətləri daha da inkişaf etdirmək niyyətindəyik".