Təfərrüatlar əlavə olunub (ilk xəbər saat 12:19-da yayılıb)
Bakı. Maksim Tsurkov - Trend:
Azərbaycan ölkənin nəqliyyat sektorunun inkişafına təqribən 25 milyard dollar sərmayə qoyub.
Trend-in məlumatına görə, bunu Baş nazirin müavini Abid Şərifov Bakıda keçirilən Dəmir Yolları Əməkdaşlıq Təşkilatına üzv ölkələrin Nazirlər Müşavirəsinin 44-cü sessiyasında deyib.
Onun sözlərinə görə, Azərbaycan hökuməti yol infrastrukturu və nəqliyyat sektorunun inkişafına böyük diqqət yetirir:
"Azərbaycan nəqliyyat infrastrukturunun inkişafına təqribən 25 milyard dollar yatırıb. Ölkədə 10 min kilometrdən artıq yol çəkilib, son beş il ərzində beş beynəlxalq hava limanı tikilib, "Azərbaycan Hava Yolları" təyyarə parkını tam yeniləyib".