İlk xəbər saat 10:50-də yayımlanıb
Bakı. Maksim Tsurkov - Trend:
2016-cı ilin avqustun sonunda "Şimal-Cənub" layihəsi çərçivəsində Hindistandan Rusiyaya ilk yük qatarı Azərbaycan üzərindən keçməklə işə salınacaq.
Trend-in məlumatına görə, bunu jurnalistlərə "Azərbaycan Dəmir Yolları" QSC-nin rəhbəri Cavid Qurbanov deyib.
Onun sözlərinə görə, avqustun sonunda yük qatarı Mumbaidən çıxaraq bərə ilə İranın Bəndər-Abbas limanına çatdırılacaq: "Oradan isə dəmir yolu ilə qatar Rəştə gələcək. Buradan yüklər yük avtomobillərinə yüklənərək Azərbaycanın Astara ərazisinə çatdırılacaq. Astaradan yüklər dəmir yolu ilə Moskvaya göndəriləcək".